Die Lock Down was, en die nagevolge daarvan is nogsteeds, vir ons ‘n moeilike tyd. Maar nie net vir ons nie – vir ons kinders ook. Daarom het Mastering It, saam met Mariska Knoetze, dit goed gedink om ‘n werkswinkel reeks bymekaar te sit sodat ons ouers in hierdie tyd kan bemoedig.
Ons wil julle graag aanmoedig dat soos julle deur die videos werk, dat julle beginsels daaruit sal vat wat julle prakties sal inwerk in julle eie roetines. In elke video is daar verskillende kwessies en bekommernisse waarna Mariska kyk en aanspreek. Sy het die inhoud van hierdie reeks bymekaar gesit met hulp van ander kundiges – onderwysers, ouers, en beraders. Mariska is self ‘n voltydse Mamma, Onderwyseres, Narratiewe Berader en Beroepskonsultant.
Sou julle verder deur die werkswinkel materiaal wou werk, het ons ook e-books beskikbaar wat hierdie Werkswinkel reeks komplementeer. Kontak ons gerus vir bestellings – maryke@masteringit.co.za.
Een-tot-een sessies kan ook geboek word met myself, Maryke Jooste, of Mariska Knoetze, vir enige tipe coaching of ander dienste wat Mastering It bied.
Besoek ons webwerf gerus – www.masteringit.co.za
Ons hoor graag van julle!
-
Lock down uitdagings vir Ouers 1.1
Mariska kyk tydens hierdie video na positiwiteit, nuwe dinge wat lock down kon lewer vir ons, en ook hoe jy jouself ook beter kon leer ken in hierdie tyd.
-
Lock down uitdagings vir Ouers 1.2
Tydens hierdie video (1.2) kyk Mariska na “Wat doen ek as ouer reg of verkeerd?” en “Wat van my kinders?”. Daar is bekommernisse oor of ons ons kinders reg voor berei en of ons kinders reg sal wees vir die volgende grade. Ons is geneig om hard op ons self te wees, so in die nuwe fase & uitdagings bring Mariska vir ons goeie insigte tot hierdie.
-
Lock down uitdagings vir Ouers 1.3
In ons derde video van ons reeks, kyk Mariska na uitdagings rondom terug gaan werk toe (wie kyk na my kind?), hoe hanteer ons "worrying" in hierdie tyd en om 'n uitkyk te kweek wat positief is ten spyte van al die negatiwiteit in ons omstandighede.
-
Lock down uitdagings vir Ouers 1.4
Tydens hierdie video (1.4) kyk Mariska na: 1) Ekstrovert & Introverte persoonlikhede van ons kinders & hoe elke persoonlikheidsgroep lock down verskillend hanteer (het); 2) Wat kan ons by elke groep (ekstrovert of introvert) leer? 3) Dinge waarop ons uitmis as gevolg van lock down - verjaarsdae, geboortes, en ander geleenthede. 4) Hoe gaan die nuwe normaal lyk? Spesifiek in die skool en kinders wat op verskillende tye skool toe gaan. 5) As jy as ouer moet terug gaan werk toe en kinders moet nog by huis wees - hoe nou? Wie kyk na my kinders? Mariska bied besprekings oor elke punt en bring vir ons haar eie insigte tot hierdie asook ander kundiges se perspektiewe.
